НИШАСТИ МАТБУОТИИ ВАЗОРАТИ ТАНДУРУСТӢ БАРГУЗОР ГАРДИД
Имрӯз, 12-уми феврали соли равон дар бинои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон вобаста ба натиҷагирӣ аз фаъолияти вазорат ва зерсохторҳои он дар соли 2023 нишасти матбуотӣ баргузор гардид, ки дар он вазири тандурустӣ ва ҳифзи иҷтимоии аҳолӣ Ҷамолиддин Абдуллозода, муовинони вазир Ғафур Муҳсинзода, Шодихон Ҷамшед, Абдухолиқ Амирзода, сардори Раёсати тандурустии шаҳри Душанбе, сардорони раёсатҳои зерсохтори вазорат, директорони хадамотҳои соҳавӣ, марказҳои ҷумҳуриявӣ ва 62 нафар намояндагони ВАО-и дохиливу хориҷӣ иштирок намуданд.
Тибқи тартиби муқарраргардида, нахуст вазири тандурустӣ ва ҳифзи иҷтимоии аҳолии мамлакат доир ба фаъолияти вазорат дар соли 2023 мухтасар маълумот дод.
Гуфта шуд, ки соли 2023 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон фаъолияти хешро дар асоси дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба роҳ монда, ба як қатор дастовард ва пешравиҳои назаррас ноил гардид.
Яке аз руйдодҳои муҳим ва фаромушнашаванда дар соли 2023 барои кормандони соҳа ин аз ҷониби Пешвои муаззами миллат муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ ба истифода додани бинои нави вазорат мебошад.
Тавре зикр гардид, пешрафти соҳаи тандурустӣ ва ҳифзи иҷтимоии аҳолӣ ба маблағгузорӣ вобастагии зиёд дорад. Ҳамин аст, ки пайваста аз ҷониби Ҳукумати Ҷумҳурии Тоҷикистон дар ин самт тадбирҳо андешида шуда, маблағгузории соҳа сол аз сол зиёд карда мешавад. Бо мақсади беҳтар намудани сифати хизматрасонии тиббӣ ба аҳолӣ дар соли 2023 ба маблағи 437,6 миллион сомонӣ таҷҳизотҳои муосири тиббӣ, нақлиёт ва маводҳои доруворӣ харидорӣ ва дастраси муассисаҳои тиббӣ карда шудаанд. Дастрасии таҷҳизоти ҳозиразамон имкон дод, ки дар самти ташхису табобат 74 навоварӣ ворид карда шавад.
Инчунин, соли 2023 аз тамоми сарчашмаҳо дар ҷумҳурӣ 131 адад муассисаҳои тандурустӣ ба маблағи умумии 169,4 млн. сомонӣ сохта ба истифода дода шуданд. Дар баробари ин, 430 муассисаҳои тандурустӣ ба маблағи умумии 56,1 млн. сомонӣ таъмир гардиданд.
Бо истифода аз шароити муҳаёнамудаи Ҳукумати Ҷумҳурии Тоҷикистон, аз ҷумла мавҷуд будани дастгоҳу таҷҳизоти ҳозиразамони тиббӣ соли сипаришуда бо мақсади дастрасии бештари аҳолӣ ба ҷарроҳиҳои мураккаб ва гаронарзиш ба 2034 нафар амалиёти ҷарроҳӣ дар дилу рагҳо ва ба 2496 нафар амалиёти ангиография гузаронида шуд, ки нисбат ба соли 2022 мутаносибан 129 ва 588 адад зиёдтар мебошад. Инчунин ба 1815 нафар амалиёти ангиопластика ва стентгузорӣ, ба 660 нафар амалиёти ивази буғум ба буғуми сунъӣ гузаронида шудааст, ки нисбат ба як соли қабл мутаносибан 799 ва 36 адади зиёд мебошад. Мавриди зикр аст, ки солҳои пеш шаҳрвандон барои анҷом додани чунин амалиётҳои мурракаб ба хориҷи кишвар сафар мекарданд.
Яке аз дастовардҳои дигари назарраси вазорат дар самти амнияти санитариву эпидемиологӣ дар соли сипаришуда ин бо Сертификати «Кишвари озод аз бемории вараҷа» сазовор дониста шудани Ҷумҳурии Тоҷикистон аз ҷониби Созмони умумҷаҳонии тандурустӣ мебошад, ки 19-уми майи соли 2023 дар ҳошияи иҷлосияи 76-уми Маҷмааи умумиҷаҳонии тандурустӣ сертификати мазкур аз ҷониби директори генералии Созмони умумиҷаҳонии тандурустӣ доктор Тедрос Адханом Гебрейесус ба вазири тандурустӣ ва ҳифзи иҷтимоии аҳолии Ҷумҳурии Тоҷикистон супорида шуд.
Беҳтар намудани вазъи таъмини муассисаҳои тандурустӣ бо мутахассисони тиббӣ яке аз самтҳои афзалиятноки соҳа ба ҳисоб меравад. Бо мақсади татбиқи Барномаи тайёр намудани кадрҳои тиббӣ барои давраи то соли 2030 дар соли ҳисоботӣ як қатор корҳо ба анҷом расонида шуданд. Тибқи омори пешакӣ, теъдоди табибон 21592 нафар ва кормандони миёнаи тиббӣ 62445 нафарро ташкил медиҳад, ки ин нисбат ба соли 2022 мутаносибан 1,99 ва 1,73% зиёд мебошад. Банд будани воҳидҳои кории табибон 91,4 ва кормандони миёнаи тиббӣ 99 фоизро ташкил дода, нисбат ба як соли пешин 3,5 ва 1,4% зиёд мебошад.
Дар соли 2023 дар муассисаҳои илмию таълимии вазорат дар маҷмўъ 13717 нафар кормандони соҳа ба таҳсили баъдидипломӣ фаро гирифта шуданд, ки нисбат ба ҳамин давраи соли 2022 485 нафар зиёд мебошад. Дар хориҷи кишвар бошад, дар ин давра 406 нафар кормандони соҳаи тандурустӣ ба таҳсили баъдидипломӣ фаро гирифта шуданд, ки нисбат ба ҳамин давраи соли гузашта 90 нафар зиёд мебошад. Дар ин муддат 73 рисолаи номзадӣ ва 7 рисолаи докторӣ ҳимоя карда шуд, ки нисбат ба як соли пешин 19 рисолаи номзадӣ ва як докторӣ зиёд мебошад.
Баъдан, бахши саволу ҷавоб оғоз ёфта, аз ҷониби рӯзноманигорон беш аз 45 савол пешниҳод гардид, ки дар навбати худ роҳбарияти вазорат ба онҳо посухҳои мушаххас гардонид.
Ҳамин тавр, нишасти матбуотии вазорат 1 соату 40 дақиқа идома ёфт.
Манбаъд: www.moh.tj
ДАР ПАЖӮҲИШГОҲИ ГАСТРОЭНТЕРОЛОГИЯ ВОБАСТА БА ПЕШГИРИИ ПАДИДАҲОИ НОМАТЛУБ ВОХУРӢ ДОИР ГАШТ
22-юми майи соли ҷорӣ дар Муассисаи давлатии «Пажӯҳишгоҳи гастроэнтерологияи Ҷумҳурии Тоҷикистон» бо мақсади пешгирии омилҳои номатлуб, аз ҷумла терроризму экстремизм ва коррупсия вохурии сардори Раёсати муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон, подполковники адлия Нигора Муқимӣ ва муовини сардори шуъбаи пешгирӣ ва барҳамзании ҷиноятҳои хусусияти террористидоштаи Раёсати мубориза бар зидди ҷиноятҳои муташаккили Вазорати корҳои дохилии Ҷумҳурии Тоҷикистон, подполковники милитсия Рустам Ҷумъазода бо роҳбарият ва кормандони муассисаи мазкур баргузор гардид.
Нахуст зимини вохурӣ муовини сардори шуъбаи пешгирӣ ва барҳамзании ҷиноятҳои хусусияти террористидоштаи Раёсати мубориза бар зидди ҷиноятҳои муташаккили Вазорати корҳои дохилии Ҷумҳурии Тоҷикистон, подполковники милитсия Рустам Ҷумъазода оид ба хатару таҳдидҳои терроризм ва экстремизм ба ҷомеа, ҳадафу мақсадҳои нопоки гурӯҳҳои террористию экстремистӣ, муборизаи дастаҷамъона бар зидди ин падидаҳои номатлуб баромад кард.
Баъдан, Нигора Муқимӣ, сардори Раёсати муқовимат бо коррупсияи Агентии назорати давлатии молиявӣ ва мубориза бо коррупсияи Ҷумҳурии Тоҷикистон низ баромад намуда, зимни суханронии хеш оид ба ҳолатҳои коррупсионӣ ва роҳҳои мубориза алайҳи ин зуҳурот, корҳои пешгирии коррупсионӣ дар байни кормандони тиб, оқибатҳои даст задан ба амалҳои ришваситонӣ ва хисороту хислатҳои манфии ин зуҳурот ба ҷомеа ва давлат ба иштирокчиён маълумоти муфассал дод.
Дар охири вохурӣ аз иштирокчиён даъват ба амал оварда шуд, ки баҳри решакан сохтани чунин падидаҳои манфии ҷомеа якҷо ва сарҷамъона боз ҳам талош ва кушиши хешро равона созанд.
Имрӯз мо дар арафаи таҷлили иди пуршукӯҳ, яъне рӯзи Қабули яке аз рамзҳои давлатӣ, Парчами давлатии Ҷумҳурии Тоҷикистон қарор дорем. Тибқи муқаррароти моддаи 3-и Конститутсияи Ҷумҳурии Тоҷикистон «Рамзҳои давлатии Тоҷикистон Парчам, Нишон ва Суруди миллӣ аст». Парчами давлатӣ тамоми сокинони кишварро ба ифтихор аз давлату давлатдорӣ, таҳкими истиқлолияти миллӣ, ҳифзи дастовардҳои он ва пеш аз ҳама, ваҳдати миллӣ ва саъйу талоши пайваста ба хотири ободии сарзамини аҷдодӣ раҳнамун месозад.
Бояд қайд намуд, ки қабули Парчами давлатии Ҷумҳурии Тоҷикистон таърихи худро дорад. Парчами нави давлатии Ҷумҳурии соҳибистиқлоли Тоҷикистон дар сессия Шурои Олӣ 24-ноябри соли 1992 тасдиқ карда шудааст.
Вобаста ба таҳия намудани рамзҳои нави давлати комиссияи махсус ташкил карда шуд, ки сарварии ин комиссияро президенти ҳамонвақтаи Акадамеяи илмҳои Тоҷикистон академик Муҳаммад Осимӣ ба ӯҳда доштанд.
Аз тарафи муаллифон лоиҳаи Парчами давлатӣ, ҳамчун матои росткунҷаи се рахаи рангаи уфуқӣ, иборат аз ранги сурх, сафед ва сабз пешниҳод шуд, ки рахи ранги сафед якуним баробари рахҳои ранги сурх ва сабзро ташкил мекард ва бари матоъ бошад якуним баробари дарозии онро ташкил мекард. Дар аввал ба сифати ангораҳои асоси муаллифон дар Парчами давлатӣ нақши шер, тоҷ ва ситораҳоро нақшнигорӣ намуданд. Нақши шер аз анъанаҳои форсу-тоҷик сарчашма гирифта ҳамчун рамзи боақлӣ, ҷасурӣ ва адолатро ифода менамуд.
Баъд аз ин гурӯҳи корӣ дар Парчами давлатии Ҷумҳурии Тоҷикистон нақши тоҷ ва ҳафт ситораро ҷой намуданд. Қайд кардан зарур аст, ки нақши тоҷ, ки дар Парчами давлатии Ҷумҳурии Тоҷикистон ҷой дода шуд, ин рамзи давлатдории халқи тоҷдори тоҷик, яъне тоҷ таҷассумгари муттаҳидсозии давлату миллатро ифода менамояд. Дар баробари нақши тоҷ дар Парчами давлатии Ҷумҳурии Тоҷикистон нақши ҳафт ситора дар қисми болои тоҷ дар шакли нимдоира ҷой карда шуд, ки ифодагари рақами хафт ҳамчун рақами муқаддас ва оварандаи хушбахтӣ маънидод карда шуд.
Дар аввал ба ақидаи муалифони Парчами давлатӣ, ҳафт ситора ҳамчун ифодагари ҳафт шоири барҷастаи форсу тоҷик маънидод шуда буд. Ҳоло бошад ҳафт ситора, ин ифодагари ҳафт минтақаи таърихию мадании кишвари азизамон Тоҷикистон мебошад, яъне Суғд, Зарафшон, Ҳисор, Рашт, Вахш, Хатлон ва Бадахшон.
Дар давраи кори комиссия оид ба пешниҳоди лоиҳаи рамзҳои давлатӣ, Ҷумҳурии Тоҷикистон 9-сентябри соли 1991 соҳибистиқлолии худро ба даст овард, ки муаллифон бо дарназардошти ташкилшавии давлати навини тоҷикон ва ба даст овардани истиқлолият, арзишҳои миллӣ таърихию фарҳангии халқамонро ба назар гирифта, ранги сурхро, ки дар Парчами давлатӣ ҷой дода шудааст ҳамчун ифодагари – мубориза ва ҷоннисориҳои халқ дар роҳи озодӣ ва истиқлолият, ранги сафед- бахту иқболи сафед, нияти неки халқамон ва ранги сабз – саъю кӯшиш ва заҳмату меҳнати халқ, ки аз он кишварамон сабзу хуррам мешавад маънидод карда шуд.
Дар таърихи 24-ноябри соли 1992 гурӯҳи корӣ оид ба таҳияи рамзҳои нави давлати соҳибистиқлоли Тоҷикистон, ба сессияи 16-уми Шурои Олии Тоҷикистон дар шаҳри Хуҷанд Парчами нави давлатиро ба муҳокимаи вакилони халқ пешниҳод намуданд. Ҳамон лоиҳаи Парчами давлатӣ, ки таҷҷасумгари таърих, фарҳанг ва арзишҳои миллии халқамон мебошад ва имрӯз мо онҳоро дар Парчами давлати Ҷумҳурии Тоҷикистон мебинем, дар сессия 16-уми Шӯрои Олии Тоҷикистон дар шаҳри Хуҷанд бо сарварии раиси нав интихобгардидаи Шӯрои Олии Тоҷикистон мӯҳтарам Эмомалӣ Раҳмон, аз ҷониби вакилони халқ якдилона барои қабул намудани он ҳамчун Парчами давлатии Ҷумҳурии Тоҷикистон овоз дода шуд.
Рӯзи дигар, яъне 25-ноябри соли 1992 рамзи нави давлати соҳибистиқлоли Тоҷикистон – Парчами давлатии Ҷумҳурии Тоҷикистон ба толори Шӯрои Олӣ ворид карда шуд ва аввалин маротиба раиси тозаинтихоби ҳамонвақтаи Шӯрои Олии Тоҷикистон мӯҳтарам Эмомалӣ Раҳмон дар назди Парчами давлати сари таъзим фуруд оварда қасам ёд намуд.
Бояд қайд намуд, ки баъди ин Парчами давлатии Ҷумҳурии Тоҷикистон дар болои бинои қасри «Арбоб» дар шаҳри Хуҷанд, ки дар он ҷо сессия таърихии 16-уми Шӯрои Олии Тоҷикистон баргузор гардида буд, барафрохта шуд.
Эҳтироми арзишҳои миллӣ, аз ҷумла Конститутсия, Нишон, Парчам ва Суруди милли ҳамчун ифодагари ифтихори миллӣ, пойдории давлат ва арҷ гузоштан ба арзишҳои миллию таърихӣ ба ҳисоб меравад.
Вазифаи мо насли имрӯзаи миллат, барои дар рӯҳияи эҳтиром доштану рӯ овардан ба арзишҳои миллӣ ва арҷ гузоштан ба онҳо, тарбия намудани ҷавонону наврасони миллатамон мебошад. Бояд қайд намоям, ки вобаста ба тартиби истифодабарии Парчами давлатии Тоҷикистон 11-декабри соли 1992 «Низоманома дар бораи Парчами давлатии Ҷумҳурии Тоҷикистон» ва 12-майи соли 2007-ум Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон қабул карда шуд.
Президенти мамлакат Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон бо мақсади эҳтиром ва қадршиносӣ инчунин садоқат ба яке аз рамзҳои асосии давлат – Парчами Тоҷикистон, бо фармони худ аз 20-уми ноябри соли 2009 рузи 24-уми ноябрро рӯзи Парчами давлатии Ҷумҳурии Тоҷикистон эълон доштанд ва бо истифода аз ҳуқуқи ташаббуси қонунгузории худ лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Қонун «Дар бораи рӯзҳои ид»-ро ба парлумони ҷумҳурӣ пешниҳод намуданд. Боиси хушҳолист, ки бо қабули Қонуни мазкур ҳар сол 24 ноябр ҳамчун Рӯзи иди Парчами давлатӣ бо ифтихору сарбаландӣ аз давлату давлатдории миллати тамаддунсози худ ҷашн гирифта мешавад.
Ба хотири мақому манзаллати Парчам дар рукни давлатдорӣ Сарвари давлат ғояи бунёди манораи бузурги Парчамро пешниҳод намуданд, ки аз тарафи умум ҷонибдории комил ёфт. Дар дуюмин солгарди рӯзи Парчами давлатии Тоҷикистон маросими бунёди манораи бузурги Парчам оғоз гардида, дар давоми як сол ба анҷом расид. Дар бунёди он бинокорони корхонаи «Алюминсохтумон» ва ширкати байналмиллали «Трайдент Саппот» заҳмати зиёд кашида, санъати баланди касбӣ нишон доданд. Натиҷаи ҳамин буд, ки 30-юми августи соли 2011-ум дар маркази ш. Душанбе Парчами давлатии Ҷумҳурии Тоҷикистон дар пояи 165м., ки баландтарин дар ҷахон аст, парафшон гардид. Баландии худи Парчам 30м ва дарозии он 60м мебошад.
Дар охир аз фурсати бароям муяссар шуда, ҳамаи Шуморо ва мардуми Тоҷикистонро ба ин иди муқаддаси умумимиллӣ табрику муборакбод намуда, осмони софу беғубор ва сиҳатмандиву сарбаландиҳо таманно дорам.
Ниязов А.Н сардори шуъбаи кадрҳои МД “Пажӯҳишгоҳи гастроэнтерологияи Ҷумҳурии Тоҷикистон”
БАРГУЗОРИИ МАҶЛИСИ ҲИСОБОТӢ — ИНТИХОБОТӢ ДАР ТАШКИЛОТИ ИБТИДОИИ “АВИТСЕНА”
21-уми июни соли 2024, дар асоси нақшаи тасдиқгардидаи Кумитаи иҷроияи ҲХДТ дар ноҳияи Сино, дар ташкилоти ибтидоии “Авитсена”-и МД Пажуҳишгохи гастроэнтеорологияи Ҷумхурии Тоҷикистон бо иштироки Ахунова Муқаддас – мутахассиси шуъбаи ташкилӣ ва кор бо кадрҳои Дастгоҳи Кумитаи Иҷроияи Марказии ҲХДТ, Давлатзода Ҳангома Рустам – мудири шуъбаи умумии Кумитаи иҷроияи ҲХДТ дар шаҳри Душанбе, Ҳабибзода Зоҳир Иззат — Раиси Кумитаи иҷроияи ҳизб дар ноҳияи Сино, Олимзода Насим Хоҷа — раиси ташкилоти ибтидоии “Авитсена” ва аъзои ҳизб маҷлиси ҳисоботӣ – интихоботӣ баргузор гардид.
Тибқи рӯзномаи маҷлис, сараввал ҳисоботи ташкилоти ибтидоии “Авитсена” оид ба ҷамъбасти натиҷаҳои фаъолияти ташкилот аз моҳи июни соли 2023 то моҳи июни соли 2024 ва вазифаҳо барои минбаъда ироа гардид.
Вобаста ба баррасии масъалаҳои дуюми рӯзномаи маҷлис, номазадии Олимзода Насим Хоҷа ҷиҳати интихоб гардидан ба ҳайси раиси ташкилоти ибтидоии “Авитсена” пешниҳод гардида, дар натиҷа бо ҷонибдорӣ ва овоздиҳии якдилонаи аъзои ҳизб доир ба масъалаи мазкур қарори дахлдор қабул карда шуд. Бо ҳамин тариқ, оид ба баррасии масъали сеюми рӯзномаи маҷлис Амирқулова Мунира Мамаҷоновна — муовини раиси ташкилоти ибтидоии “Авитсена” интихоб гардид.
Ҳамзамон, дар рафти муҳокимаи масъалаи чоруми рӯзномаи маҷлис, номзадии раиси ташкилот – Олимзода Н.Х. ва Амирқулова М.М. ҳамчун вакил барои иштирок дар Конференсии 44-уми ҳисоботӣ – интихоботии Кумитаи иҷроияи ҲХДТ дар ноҳияи Сино пешниҳод гардида, доир ба он қарори дахлдор қабул гардид.
Дар фарҷом Ахунова Муқаддас – мутахассиси шуъбаи ташкилӣ ва кор бо кадрҳои Дастгоҳи Кумитаи Иҷроияи Марказии ҲХДТ баромад намуда, ҷиҳати бомуваффақият ҷамъбаст намудани фаъолияти кории ҳизбӣ дар давоми солҳои сипаригардида ба ҳамаи аъзоёни ташкилоти ибтидоии ҳизбӣ изҳори миннатдорӣ намуда, барои фаъолияти корӣ дар пешистода бурдбориҳои навро таманно намуд ва таъкид намуд, ки фаъолияти хешро дар самти пеш бурдани корҳои таблиғотию ташвиқотӣ баҳри таблиғу ташвиқ намудани ҳадафҳои Оиннома ва Барномаҳои ҳизб дуруст роҳандозӣ намоянд.
Ҳамзамон, Давлатзода Ҳ.Р. – мудири шуъбаи умумии Кумитаи иҷроияи ҲХДТ дар шаҳри Душанбе оид ба амалӣ намудани нақша — чорабиниҳо бахшида ба 30 солагии Рӯзи таъсисёбии ҲХДТ, инчунин, бобати иҷрои босифати дастуру супоришҳои ҳизбӣ, қабули сифатаноки аъзои нав ба сафи ҲХДТ, танзими дурусти ҳаракати аъзои ҳизб, назорати пардохти саривақтии маблағи ҳаққи узвият, ба роҳ мондани корҳои ободонию созандагӣ дар партави дастуру супоришҳои Раиси муаззами ҲХДТ муҳтарам Эмомалӣ Раҳмон суханронӣ намуд.
ШАНБЕГИ ДАР ПАЖУҲИШГОҲ (15.06.2024)
ҲИЗБИ ХАЛҚИИ ДЕМОКРАТИИ ТОҶИКИСТОН – ҲИЗБИ МАРҲАЛАИ НАВИ БУНЁДИ ҶОМЕАИ ДЕМОКРАТӢ, ҲИЗБИ ДАВРОНИ ИСТИҚЛОЛИЯТ Ё ХУД ҲИЗБИ ЗОДАИ ИСТИҚЛОЛИЯТ АСТ!
ҲИЗБИ ХАЛҚИИ ДЕМОКРАТИИ ТОҶИКИСТОН – ҳамчун ташкилоти ҷамъиятии сиёсӣ бо диду назари нав ба саҳнаи сиёсат омад ва дар муддати начандон тӯлонӣ дар ҷомеа нуфузу ҷойгоҳи арзандаро соҳиб гардид.
ҲИЗБИ ХАЛҚИИ ДЕМОКРАТИИ ТОҶИКИСТОН – аз оғози таъсисёбии худ то имрӯз дар пешрафти кишвари азизамон нақши сазовор гузошта истодааст!
ҲИЗБИ ХАЛҚИИ ДЕМОКРАТИИ ТОҶИКИСТОН – тавонист худро бо ғояҳои созандаву бунёдкорона ва ватандӯстонаву ватанпарварона ба мардум ба таври шоиста муаррифӣ намояд!
ҲИЗБИ ХАЛҚИИ ДЕМОКРАТИИ ТОҶИКИСТОН – дар раванди басо мушкилу мураккаби хомӯш кардани оташи ҷанги шаҳрвандӣ, вусъат бахшидани музокироти сулҳ ва таҳкими оромиву суботи ҷомеа нақши босазои худро гузошт!
ҲИЗБИ ХАЛҚИИ ДЕМОКРАТИИ ТОҶИКИСТОН – ҳанӯз аз оғози фаъолияти худ эъмори давлати демокративу ҳуқуқбунёд ва дунявию иҷтимоиро ҳамчун ҳадафи асосӣ пеш гирифт!
ҲИЗБИ ХАЛҚИИ ДЕМОКРАТИИ ТОҶИКИСТОН – чун ҳизбе, ки ҳақиқату адолатро маҳаки фаъолияти худ қарор додааст, талош мекунад, ки дар заминаи дастёбӣ ба рушди устувори иқтисодии кишвар зиндагии мардум боз ҳам беҳтару осудатар гардонида шавад!
1. Мо бо Пешвои маҳбуби миллат Раиси муаззами Ҳизби Халқии Демократии Тоҷикистон ифтихор дорем!
2. Ҳизби Халқии Демократии Тоҷикистон – ҳизби ваҳдатофар ва таҳкимбахши соҳибистиқлолӣ!
3. Ҳизби Халқии Демократии Тоҷикистон – тарғибгари ҳадафҳои созанда ва фарҳангу тамаддуни куҳанбунёд!
4. Ҳизби Халқии Демократии Тоҷикистон – таҳкимбахши дӯстиву бародарӣ!
5. Ҳизби Халқии Демократии Тоҷикистон – неруи тавонои сиёсӣ ва қутбнамои фардои дурахшони кишвар!
6. 30 — соли ҳадафҳои созанда ва таъмини зиндагии шоистаи мардум!
7. Ҳизби Халқии Демократии Тоҷикистон – ҳизби созандаву бунёдкор ва ояндасоз!
8. 30 — соли саршор аз ифтихор ва пирӯзиҳо бо Ҳизби Халқии Демократии Тоҷикистон!
9. 30 — қадами устувор ба сӯи ояндаи дурахшон!
10. Ҳизби Халқии Демократии Тоҷикистон – ҳизби ормонҳои миллӣ ва нангу номус!
11. Ҳизби Халқии Демократии Тоҷикистон – кафили сулҳу субот ва хушбахтии мардум!
12. Ҳизби Халқии Демократии Тоҷикистон – ҳизби роҳнамо ва пешоҳанги ҷомеа!
13. Ҳизби Халқии Демократии Тоҷикистон – манфиатҳои миллиро аз манфиатҳои хеш боло мегузорад!
14. Ҳизби Халқии Демократии Тоҷикистон – мактаби сиёсии Пешвои миллат!
15. Ҳизби Халқии Демократии Тоҷикистон – рамзи соҳибистиқлолӣ ва саодати халқ!
16. Ҳизби Халқии Демократии Тоҷикистон – нерӯи бузурги пешбаранда ва тарбиятгари ҷомеаи шаҳрвандӣ!
17. Ҳизби Халқии Демократии Тоҷикистон – маҳсули мактаби сиёсии Пешвои миллат.
18. Ҳизби Халқии Демократии Тоҷикистон – табиатан халқӣ ва демократӣ буда, маҳсули тафаккури эҷоди халқи фарҳанговар ва созандаи тоҷик мебошад.
19. Ҳизби Халқии Демократии Тоҷикистон – масъулияти бузурги таърихиро ба дӯш дошта барои вусъати худшиносӣ, ифтихори ватандорӣ, ҳуввияти миллӣ равона сохтааст.
Эмомалӣ Раҳмон
20. Ҳизби Халқии Демократии Тоҷикистон сарпарасти маънавии НБО “Роғун”!
Эмомалӣ Раҳмон
21. Мароми мо ҳизбиён: Барои рушди устувори иқтисодӣ ва зиндагии шоистаи мардум!
22. Яке аз самтҳои асосии фаъолияти Ҳизби Халқии Демократии Тоҷикистон баланд бардоштани мавқеи занон дар ҷомеа мебошад.
Эмомалӣ Раҳмон
23. Нақши Ҳизби Халқии Демократии Тоҷикистон дар таҳкими ҳуқуқу озодиҳои инсон бузург аст!
24. Шаъну шараф ба Ҳизби Халқии Демократии Тоҷикистон – ҳизби мардумӣ, ободкору созанда, бунёдкор ва ояндасози миллат!
Ҳизбе, ки з-обу оташ бигзашту пуртавон шуд,
Бо Пешвои миллат маҳбуби мардумон шуд.
***
Ҳизбе, ки бо муҳаббати миллат сиришта шуд,
Дар қалбҳо чу донаи уммед кишта шуд.
***
Зи Файзи ҳизби халқ, озода шуд кошонаи тоҷик,
Бишуд гулзор кишвар, қаср шуд вайронаи тоҷик.
***
Зи Ҳизби Халқии Демократӣ кишвар мунаввар шуд, Сипоҳи адлу ваҳдат бар ҷаҳолатҳомузаффар шуд!
ВАЗОРАТИ ТАНДУРУСТӢ ВА ҲИФЗИ ИҶТИМОИИ АҲОЛИИ ҶУМҲУРИИ ТОҶИКИСТОН
МУАССИСАИ ДАВЛАТИИ «ПАЖӮҲИШГОҲИ ГАСТРОЭНТЕРОЛОГИЯИ ҶУМҲУРИИ ТОҶИКИСТОН»
Ҳамид Ҳусейнович Мансуров (25 декабри 1925 — 25 августи 2013)— академики Академияи Илмҳои Ҷумҳурии Тоҷикистон (1978), Ходими шоистаи илми Тоҷикистон (1976), Лауреати Мукофоти давлатии ба номи Абӯалӣ ибни Сино (1981), Ҷоизаи ба номи Е.Н. Павловский АИ Ҷумҳурии Тоҷикистон (2003), Доктори илми тиб (1960), профессор (1961).25 декабр – рузи мавлуди устод, шодравон Мансуров Ҳамид Хусейнович мебошад, ки яке аз олимони шинохтаи сатҳи ҷаҳонӣ буда, асосгузори мактаби гастроэнтерологияи тоҷик, якумин Пажуҳишгоҳи илмӣ –тадқиқотӣ дар собиқ Иттиҳоди Шуравӣ ба ҳисоб рафта, илми гастроэнтерологияи тоҷикро дар ҷаҳон муҳаррифӣ намуданд. Ҳамид Мансуров муаллифи зиёда аз 900 мақолаи илмӣ ва 18 монография буда, . яке аз асосгузорони биопсияи сузании чигар дар собиқ Иттиҳоди Шуравӣ мебошад. Самтҳои асосии фаъолияти илмии устод: гастроэнтерология, гепатология. Устод илми гастроэнтерология ва гепатологияи тоҷикро дар конгрессхои миллӣ ва байналхалқӣ дар Польша, Япония, Англия, Чехословакия, Германия, Венгрия, Франция, Швеция, Дания муҳаррифӣ намуда, соли 1974 узви фахрии Ассотсиатсияи гастроэнтерологҳои Маҷористон, соли 1976 узви вобастаи Ассотсиатсияи интернистҳои Полша ва соли 1977 узви фахрии Ҷамъияти илмии тиббии гастроэнтерологҳои Булғористон интихоб шуданд. Пажӯҳишгоҳи гастроэнтерология, ки солҳои тӯлонӣ дар ҳайати Академияи илмҳои Тоҷикистон буд, соли 2010 асоси таъсиси Академияи илмҳои тиббии Тоҷикистон гардид, ки ба он 12 муассисаи тиббии профилҳои гуногун дохил шуда, на танҳо корҳои тиббӣ, балки корҳои илмиро пайваста ба пеш бурданд. Солҳои 1989-1995 ноиби президенти Академияи илмҳои Ҷумҳурии Тоҷикистон.Зери рохбарии устод 80 рисолаи номзади ва 18 рисолаи доктории илм ҳимоя карда шудааст. Бо ташаббуси устод соли 1990 дар ш. Душанбе чопи мачаллаи «Проблемы гастроэнтерологии» (муассисон АИ ИЧШС, АИ ЧТ ва Ҷамъияти умумииттифоқии гастроэнтерологҳо) ба роҳ монда шуд, ки алҳол зери сарпарастии АИ ҶТ ва Ассотсиатсияи гастроэнтерологҳои минтақавӣ ба табъ мерасад.
Устод шогирдони зиёдеро тарбия намуда, ба онҳо роҳи зиндагӣ ва илмиро роҳнамоӣ намуданд, ин буд, ки шогирдон то дақиқаи охири умрашон ба устод вафодор монда ва 10 соле, ки устод дар паҳлуи онҳо нестанд, кори устодро бо устуворӣ давом медиҳанд. Вақти он омад, ки чун устод мо доно шавем,
“Илм ҷӯй”, “Такрор кун”, овоз кард омӯзгор!