ВАЗОРАТИ ТАНДУРУСТӢ ВА ҲИФЗИ ИҶТИМОИИ АҲОЛИИ ҶУМҲУРИИ ТОҶИКИСТОН




Азимзода Саодат Мустафо

Директори МД «Пажўҳишгоҳи гастроэнтерологияи

Ҷумҳурии Тоҷикистон”, доктори илмҳои тиб

 Азимзода Саодат Мустафо баъди хатми Донишгоҳи давлатии тиббии Тоҷикистон ба номи Абўалӣ ибни Сино, фаъолияти меҳнатии  худро соли 1982 ба сифати табиби бемориҳои узвҳои дарунии  дар Маркази саломатии №1-и шаҳри Душанбе оғоз намудааст. Солҳои 1984-1986 ба ҳайси ходими хурди илмии Пажўҳишгоҳи гастроэнтерологияи Академияи илмҳои Ҷумҳурии Тоҷикистон кор карда,  солҳои  1986 – 1989 таҳсили худро дар аспирантураи рӯзонаи назди Пажӯҳишгоҳи гастроэнтерологияи Академияи илмҳои Ҷумҳурии Тоҷикистон идома додааст. Соли 1990 рисолаи номзадии дар ш. Бишкек бо мувафаққият дифо намуд. Солҳои 1989-1990 ходими хурди илмии шўъбаи ҷигар ва ғадуди зери меъда, солҳои 1990-1993 ходими калони илмии шўъбаи ҷигар ва ғадуди зери меъда. Аз соли 1993 дар вазифаи  муовини сартабиб оид ба комиссияи машварати  тиббии Маркази саломатии №1-и шаҳри Душанбе ва солҳои 1993-1994 ҳамчун Раиси комиссияи ҷумҳуриявии машваратию тиббӣ фаъолияти меҳнатиашро давом додааст. Солҳои 1994-1997 ўро ба  ҳайси муовини сартабиби Беморхонаи шаҳрии №3 ш. Душанбе фаъолият кардааст. Соли 1998 дар Пажўҳишгоҳи гастроэнтерология дар вазифаҳои корманди калони илмӣ, сардори шўъбаи генетика ва микробиология фаъолият намуда, худи ҳамон сол  бо назардошти қобилияти ташкилотчигӣ доштанаш ба вазифаи сартабиби клиникаи Пажўҳишгоҳи гастроэнтерологияи Академияи илмҳои Ҷумҳурии Тоҷикистон таъин шуда то моҳи декабри соли 2013  кор кардаст. Аз соли 2013 то инҷониб  вазифаи пурмасъули директори Муассисаи давлатии «Пажўҳишгоҳи гастроэнтерологияи Ҷумҳурии Тоҷикистон”-ро ба ўҳда дорад. Соли 2015 рисолаи доктории илмҳои тиб дар мавзўи “Гепатити музмини вирусии В ва С дар Тоҷикистон”-ро ба итмом расонида, бо муваффакият дифо намуд. Аз соли 2015 ҳамчун мудири кафедраи гастроэнтерология ва диетологияи Донишқадаи таъсилоти баъдипломии кормандони соҳаи тандурустии Ҷумҳурии Тоҷикистон  бо муввафақият фаъолият менамояд.

Азимзода С.М. давоми фаъолияти кориаш омўзиши вируси гепатити В ва С моҳияти он дар ҷараёни гепатити музмин, сиррози ҷигар, карсиномаи гепатоселюлярӣ ва роҳҳои пешгирӣ ва табобати он, истифодаи усулҳои нави замонавӣ (фиброскан, ПЦР, эндоскопияи капсулӣ, тессти нафасии яккарата) барои ташхиси гуногуни  ин вирусҳо дар Тоҷикистон, саҳми арзандаи худро гузоштааст.

Дар тадқиқот ва ташхиси уфунати пинҳонии вируси В, ки яке аз проблемаҳои мубрами гепатологияи асри ХХI, пеш аз ҳама аҳамияти ташхиси анти- HbcAgIgM барои пешгўи намудани уфунати пинҳонии вируси В, муайян гардид, Азимзода С.М. саҳмгузоранд.

Барои омўзиш ва табобати бемориҳои ассиди вобастаи қисми болоии узвҳои гувориш ва нест намудани Н.pilory, ки усулҳои махсус кор карда бароварда шуд, хизматҳои номзади илмҳои тиб Азимзода С.М. арзандаанд.

Азимзода С.М. муаллифи зиёда аз 70 мақолаҳои илмӣ, 2 монография ва зиёда аз 10 ихтирои патенти мебошад. Дар зери роҳбарии Азимзода С.М. рисолаҳои худро 2 номзад дифоъ кардаанд. Азимзода С.М. чандин маротиба илми гастроэнтерологияи тоҷикро дар анҷуманҳои гастроэнтерологҳои умумииттифоқӣ, ҳафтаҳои гастроэнтерологҳои Россия (анҷуманҳои 20-21ум), анҷуманҳои терапевтҳои Россия (1986), Қирғизистон (1990) ва баъзе конгрессҳои байналмиллалӣ муаррифӣ кардааст. Дар чандин семинарҳои байналмиллалӣ, ки дар самтҳои гуногуни илми тиб бахшида шудаанд, иштирок намуда маърўзаҳо кардааст.

Соли 2006 Ташкилоти ибтидоии Ҳизби Халқии Демократии Тоҷикистонро ба номи “Авитсена” ташкил намуда то ҳол раисии онро ба ўҳда дорад.

Соли 2010 Азимзода С.М. аъзои ассотсиатсияи гастроэнтерологҳои Тоҷикистон интихоб гардидааст. Соли 2014 муовини Президенти Ҳилоли Аҳмари Тоҷикистон интихоб гардида, дар ин ҷода низ бо муввафақият фаъолият карда истодааст.

Азимзода С.М. дар 37 соли фаъолияти меҳнатиаш дар ҳамаи вазифаҳои ба ў вобастакардашуда  худро  ҳамчун мутахассиси босавод, кордон ва ташкилотчии фаъоли соҳаи тандурустӣ  нишон додааст. Дар таҳия намудани дастури клиникӣ барои кормандони соҳаи тиб оид ба бемориҳои узвҳои ҳозима саҳми худро гузоштааст.

Азимзода С.М. барои хизматҳои софдилонааш бо нишони сари синагии «Аълочии тандурустии Ҷумҳурии Тоҷикистон», «Ифтихорнома»-и якҷояи Вазорати тандурустӣ ва Кумитаи иттифоқи касабаи кормандони тибби Тоҷикистон, ва нишондиҳандаҳои хуби корӣ соли 1990 бо ҷоизаи олимони ҷавони Академияи илмҳои Ҷумҳурии Тоҷикистон ва соли 2015 бо медали Хизмати Шоиста сазовор  гардидааст.